”حلو الحلو بكل خصاله”..”محمود شكوكو” محتكر فن المونولوج

بحلباب قصير وطقية يظهر "محمود شكوكو"، يتراقص ممسكاً بعصاه، يتمايل ويغني وتتراقص معه قلوب الجميع وراء الشاشة، اشتهر شكوكو كمونولوجست، حيث برع في فن المونولوج، إلى الحد الذي يمكننا أن نطلق عليه "محتكر فن المونولوج" بكل أريحية.

وفي ذكرى وفاته يقف "محطة مصر" على أهم المعلومات عنه ونذكركم بأشهر مونولوجاته.

اسمه "محمود إبراهيم موسى"، ولد يوم الواحد من مايو عام 1912، بمنطقة "الدرب الأحمر" بالقاهرة، حصل على لقب شكوكو عن والده "إبراهيم شكوكو"، وعمل نجار مع أبيه، فكان يعمل بالورشة صباحًا، ويتجه للغناء في الأفراح مساءً، قلد العديد من الفنانين أشهرهم "عبد الوهاب" و"عبد المطلب".

أول فنان يُصنع له تماثيل خاصة به وتُباع للجمهور، حيث أخذ النحاتون هيئته الشهيرة بالعصا والجلباب والطقية وصنعوا منها أعمال فنية اشتهرت بـ"عروسة شكوكو"، كما استوحت عرائس المولد من شخصيته أيضاً.

بعد افتتاح الإذاعة المصرية طلبه "محمد فتحي بلبل" للغناء فيها، وعمل مع فرقة "علي الكسار" ثم انضم لفرقة "حسن المليجي"، وفرقة "محمد الكحلاوي"، وفي عام 1946 كون شكوكو فرقته الخاصة بالاشتراك مع "تحية كاريوكا"، و"عبد العزيز محمود" و"سميحة توفيق"، حملت اسمه وقدموا عروضهم على مسرح "الأزبكية".

استفاد شكوكو من إتقانه للنجارة وشغفه بالعرائس وقام بتأسيس مسرح "شكوكو للعرائس"، حيث قام بصناعة عرائس خشبية وقدم بها عروضاً مسرحية مثل "السندباد البلدي" و"الكونت دي مونت شكوكو"، والأثنان من تلحين "محمود الشريف" و"سيد مكاوي"، وإخراج "صلاح السقا"، ويعد مسرح شكوكو للعرائس هو البداية والتمهيد لمسرح القاهرة للعرائس.

شارك محمود شكوكو في العديد من الأفلام، واقترن اسمه دائماً بـ "إسماعيل ياسين"، ويعد فيلم "عنتر ولبلب" بالاشتراك مع "سراج منير" أبرز أفلامه.

وما زالت مونولوجات شكوكو مشهورة حتى يومنا الحالي، يرددها الجميع على اختلاف أعمارهم، حتى أن شركة "مصر الطيران" خصصت إحدى القنوات الإذاعية على متن رحلاتها لتقدم من خلالها مونولوجات شكوكو.

وقدم شكوكو ما يقرب الـ600 مونولوج وتوفى يوم الواحد وعشرين من فبراير عام 1985.

 

رحلة مع أشهر مونولوجاته

حلو الحلو:

"حلو الحلو في كل خصاله إلا دلاله مايعجبنيش.. قالوا بيهجر قلت وماله يهجر يهجر بس يعيش.. حلو الحلو ما فيهش وحاشة غير بيوعد ولا يوفيش..اللي فاتح قلبي بطفاشة ثم قابلني ماكلمنيش..قلتله رد يا باشا يا باشا قالي لأبوها ما تفلقنيش..وبيعجبني أكمن دلاله وقة سكر ستنرافيش..كل ما أفوت من قدام داره يشوف وشي يسك الشيش.. قلبي وعقلي عليه احتاروا وبيتخانقوا.. اإلحق يا شاويش..يحيا الحب وتسقط ناره اللي تولع ولا تطفيش.. طب ما أنا أحسن من عزاله زي الجزمة مايقلعنيش".

حبك شمعة:

"حبك شمعة وقلبي فانوس وبتلعب بي..وحوي يا وحوي..ياما هواك غرمني فلوس ارحم قلبي.. وحوي يا وحوي..وكل يوم على دي الحالة يا الله الغفار..ده قلب ده ولا بقالة يا الله الغفار..مهما هواك يديني دروس ما بحرمشي.. وحوي يا وحوي..حبك شمعة وقلبي فانوس بتلسوعني".

خليكوا شاهدين يا بهايم:

"خليكوا شاهدين يا بهايم على غدر البني آدمين..إخلاصكم إخلاص دايم إنما دوكهم خاينين..عيَّط يا حصان على خيبتي أرفس وأحتج معايا..هيطيَّروا مني حبيبتي أنت ما عندكش ولايا..ويا بقرة يا شايفة مصيبتي أرقعي بالصوت ويايا..يكفيكِ شرالسكاكين والمدبح قولي آمين..خليكوا شاهدين يا بهايم..اسمع يا حمارمن فضلك طلَّعني أبرطع على طول..وحياة حمورية والدك دلَّني وأنا أجيب لك فول..قولِّي على أي طريقة أحسن في القلب حريقة..ريَّح بالي المسكين وأنا أكون لك من الشاكرين..خليكوا شاهدين يا بهايم".

إحنا التلاتة (مع شادية وإسماعيل ياسين):

"إحنا التلاتة..سكر نباتة..إحنا التلاتة حاجة شرباتاتة..بالإنسانية مش بالتباتة..إحنا التلاتة إحنا التلاتة..أنا فني وجني وأرص وأغني وتسمع مني الفن نضيف..وأنا أخلي لوحدي لوريل مع هاردي وأنور وجدي يقولوا يا لطيف..وأنا قطة وبطة وحامية وشطة ودايماً أسطى ودمي خفيف..حطوني في اللفة وقالوا كون خفة ماتبقاش أفة أنا قلت أوكاي..وأنا خفة دمي وارثها من أمي وقالت سمي يا داية عليه..وأنا أحلى بغاشة تقول يا نداشة وقعت يا باشا ده شربات اسمه إيه..إحنا التلاتة سكر نباتة..بالإنسانية مش بالتباتة".

الهاشا باشا تاكا:

"الهاشا باشا تاكا..الهاشا باشا تك..يعني وبعدين معاكا يا ساقيني المر سك..مراية الحب عامية بنورها مش أوي..ونار الحب حامية وأنا فيها بنشوي..ما بلاش وإن كان ضروري أشويلك رطلين بوري..ده القلب في هواكا بيعمل تيكا تيك..أدفعلك الكفالة وتفوتني بالسنة..بمنتهى السفالة والحق عليا أنا..لو كان القلب خالي ماكانش ده جرالي..والهاشا باشا تك..يا مشعلل نار لهيبي عشان حلو اللمى..معلش يا حبيبي الأيام بيننا..يا خسارة مصروفاتي وكتابو جواباتي..ما ضاع هذا وذاك وراح كله عليك..يعني وبعدين معاكا يا ساقيتني المر سك..والهاشا باشا تك".

ليلي طال وليله لا:

"ليلي طال وليله لا..قلبي مال وقلبه لا..والله طيب..والله عال..ليلي طال..وليله لا..وليله لا..لما شفته اتخض قلبي وقال يا ماما..كنت قبل هواه في غاية الاستقامة..قل أعوذ لما أعوزه..ويقابلني لاوي بوزه..أبقى يوسف وهبي وأشطر في الدراما..ليه هطق وهو لا..والله طيب..والله عال..ليلي طال وليله لا..والنبي يا نجمة الفجر تروحيله..اركبي الأتوبيس على حسابي وقليله..يجرى ماذا لو يا هذا تدي قلبي يوم إجازة..ليه أحبه وهو ليه مايحبنيش..لو يلف الدنيا زيي مايلاقيش..وبسلامته احترمته قال عليا زي مامته..زي مامته سن مامته بس أعيش..شافني زق وقاللي لا..والله طيب..والله عال..ليلي طال وليله لا".