فيديو .. ”حكيم” يفاجيء جمهوره بتفاصيل إصابته مرتين بكورونا: أنا اللي نشرت الفيروس في ايطاليا

كشف "حكيم" خلال حديثه مع أبلة فاهيتا لأول مرة تفاصيل إصابته بفيروس كورونا المستجد، قائلاً: "أنا جاتلي كورونا مرتين خدتها السنة اللي فاتت زي الأيام دي و كنت في إيطاليا بس مكنتش اعرف إنها كورونا".

وتابع "حكيم" قائلاً: "كان الدكتور راجل كبير في السن عنده حوالي ٧٠ سنة الله يرحمه بق دلوقتي، قالي وقتها ده فيروس، و أداني حاجات تنزل الحرارة وانا بقى طايح في إيطاليا و عايش حياتي عادي و أصحابي يجولي يزوروني وانا تعبان بقى و مكلفت نفسي في البطانية".

وأردف: "كانوا بيكلموني يتحايلوا عليا عشا أخرج معاهم و اقولهم أنا تعبان يقولولي لا مينفعش لازم تنزل الناس مستنياك ع العشا هنزعل والله هنزعل، وفعلاً قمت لبست جاكيت و لبس تقيل و دفيت نفسي و أول ما شفتهم قلعت الجاكيت وفضلت أحضن ده واتصور مع ده و بعد ما رجعت من ايطاليا سمعت أن الفيروس انتشرهناك ف كنت عارف السبب بقى" ما أثار ضحك و سخرية الجمهور.

يُشار إلى أن "حكيم" ينتظر طرح أغنيته الجديدة "الناس السهرانين" عبر قناته الرسمية على "يوتيوب"، خلال الفترة المقبلة وهي من كلمات الشاعر "شفيق كارم"، وألحان "تامر حجاج"، وتوزيع "ميدو مزيكا".