الرئيس السيسي : لو بنحب بلدنا مستعدين نشقى عشانها

أكد الرئيس عبدالفتاح السيسي أن حب مصر ليس بالكلام ولكن بالفعل والعمل، وقال :" لو بنحب بلدنا مستعدين نشقى عشانها "، مضيفا "إحنا لو بنتكلم عن 100 مليون في بلدنا، يوجد منهم 65 مليون مصري تحت سن 45 سنة ولو 10 % منهم بيحبوا بلدهم بجد، ويشتغلوا بقوة وجدية كبيرة وتجرد سيكون رد الفعل جيد على بلدنا".

وأضاف الرئيس السيسي ـ خلال اتصاله ببرنامج "التاسعة" مع الإعلامي يوسف الحسيني على القناة "الأولي" الفضائية، " "إنني لا أقلل من جهد المصريين أو عملهم ولكن عشان نحب بلدنا لازم نشتغل بجدية"، مضيفا "لو ماشي في الشارع وشلت ورقة من الأرض اعتبر ده حب ولو لقيت قالب طوب وشلته برضه ده حب عشان انت عايز تكون بلدك نظيفة وقوية وراقية ومتقدمة".

ووجه المحاور سؤالًا للرئيس السيسي عن اشنغاله بهموم الوطن والمصريين قبل أن يكون رئيس الجمهورية، قال الرئيس السيسي :" أنا كإنسان بدأت مبكر في القراءة وأول ما كنت أقرأ كان للكاتب المفكر الكبير رحمة الله عليه الأستاذ هيكل عموده بصراحة .. وأيضا للكاتب موسي صبري وكل الكتاب الذين كانوا يكتبون في تلك المرحلة عن مصر، وهناك أحداث كثيرة حدثت خلال أعوام 1962 و1967، وكانت تلك الأحداث لها تأثير كبير جدا على الواقع في مصر".

وتابع الرئيس السيسي: " منذ تلك الفترة بدأت أدرس من ساعتها لماذا أحنا أوضاعنا وظروفنا في تلك الفترة كانت كده من كل الاتجاهات، وبدأت من خلال هذه الدراسة الموضوعية التي لا يوجد بها انحياز أو تشنج أو تشدد أو تزيد بدأت أشكل فهم اعتقد إنه عميق وواسع عن واقعنا في مصر وكل حتة بدءً من الإنسان، نهاية بكل ما يتصل به من تعليم وصحة وعمل وقوانين وثقافة وحتي الإشكاليات المرتبطة بالدين".

وأكمل الرئيس السيسي: "الدراسة كان سببها حبي لأهلي وبلدي ونفسي أشوف بلدي أحسن حاجة في الدنيا وده أمر لا يتحسب على أي حد لا بره مصر ولا جوة مصر وأي إنسان في الدنيا طبيعي إنه يحب بلده تكون أحسن حاجة أحسن بلد في الدنيا، والمهم أنت بتحبها بالكلام ولا بتحبها وعايز ومستعد تبذل عشانها ونحن عايزين نقف على الجملة البسيطة ديه !!".