من «الصعايدة خدامين» لـ «جزمتهم فوق راسي».. قصة أزمة تامر أمين مع الصعيد

تنظر اليوم محكمة جنح مدينة نصر في الدعوى المقامة ضد الإعلامي تامر أمين، وذلك بتهمة سب وقذف أهل الصعيد، الأمر الذي أثار سخط وغضب جميع المصريين وقدمت دعوى ضده، ليخرج بعدها على العلن ويعتذر لأهالي الصعيد، ولكن الاعتذار وحده لم يكن كفيلا بإخراجه من الدعوى القضائية.

 

وفي السطور التالية يقدم موقع محطة مصر القصة والتفاصيل كاملة لأزمة تامر أمين مع أهل الصعيد.

 

- تصريحات الإعلامي تامر أمين

حاول الإعلامي تامر أمين مناقشة قضية الزيادة السكانية، في برنامجه "آخر النهار"، إلا أنه خانه التعبير، وصرح قائلا، " نسبة كبيرة من الأهالي في الريف والصعيد ينجبون أطفالاً لا ليلحقوهم بالتعليم، بل لينفق الأبناء على والديهم"، كما أضاف " في تلك المناطق يتم إلحاق الطفل بورشة لتعلم حرفة بمجرد أن يبلغ سن السادسة".

وتابع: " لو الأب خلف بنت مش هيغلب، يدخلها المدرسة؟ قطعًا لا، في الصعيد بيشحنوا البنات على القاهرة عشان يشغلوهم خادمات".

 

- كلام تامر أمين نصًا

قال تامر أمين: " يعني للأسف الشديد وأنا بقول هذا الكلام ومتزعلوش مني في الريف وفي الصعيد فيه نسبة كبيرة جدا بيخلفوا أولاد وبنات مش عشان يصرفوا عليهم ولا عشان يدخلوهم التعليم ويتعلموا ويكبروا ويتوظفوا أو يبقى عندهم فرص عمل..لا.. ده بيخلفوهم عشان العيال دي هي اللي تصرف على الأب والأم.. وفيه أسر كتير كتير قوي بيخلف الولد وأول ما الولد ده يبقى عنده 5 أو 6 سنين 7 سنين بالكتير، يقوم هوب راميه على ورشة ورشة سمكرة ..ورشة حداداة.. ورشة دوكو ..ورشة إصلاح سيارات.. يشتغل فواعلي.. يشتغل في البنا.. يشتغل في المعمار.. المهم يشتغل واللي بنسميه إعلاميا بلية.. عارفين الواد بلية.. اللي هو صبي المعلم وصبي الأسطى.. فيروح والأسطى آخر الشهر يديله 500 جنيه أو 1000 جنيه أو 700 جنيه.. ماهو واد صغير 7 سنين.. وياخد الواد الصغير الألف جنيه ويعمل إيه.. يروح يرميهم في حجر ابوه".

 

وأكمل: " ده الولاد.. طب جاني بنت.. هغلب؟.. لا.. هدخلها المدرسة؟.. لا.. أول ما تبقى 8 أو 9 سنين أشحن تشتغل في البيوت.. وفيه أزمة في القاهرة والإسكندرية والمحافظات الكبرى في الخادمات والعاملات في المنزل.. فاشحن فالبنت لا تستمتع بطفولتها وبالبراءة بتاعتها ويطلع عنيها.. وياسلام لو ست البيت بتكهربها ولا بتلسوعها ولا بتعمل بلاوي سودا من اللي بنسمع عنها وبتشغلها 24 ساعة وبتديها آخر الشهر ألف جنيه..وتجري أخر الشهر تحطهم فين في حجر أبوها".

 

- حالة غضب عارمة

أحدث ما قاله الإعلامي تامر أمين، حالة من الغضب العارم والاستياء بين أهالي الصعيد والريف، بل وبين جموع الشعب المصري أجمع، لتقرر هيئة مكتب المجلس الأعلى لتنظيم الإعلام، وقف برنامج الإعلامى تامر أمين إلى حين استدعائه والتحقيق معه يوم الأحد المقبل.

كما أمرت نقابة الإعلاميين باستدعاء تامر أمين للتحقيق معه، في نفس الوقت الذي أعلنت فيه قناة " النهار" إيقافه لمدة شهرًا، بسبب تعليق الآلاف من الصعايدة على الصفحة الرسمية لقناة النهار، مطالبين بإقالة المذيع تامر أمين ومنعه من الظهور على شاشة القناة بعد سبه لفتيات الصعيد.

 

- اعتذار تامر أمين

اعتذر تامر أمين عما بدا منه في حق أهالى الصعيد والريف عن التصريحات اللي خرجت عنه في البرنامج وتناولت بشكل "سلبى" ظاهرة الإنجاب في الصعيد والريف.

 

- فيديو سريع

وقال في فيديو: " أقدم اعتذارًا واضحًا وصريحًا لا لبس فيه لكل أهالينا في الصعيد وفى كل مكان بمصر، اللي زعلانين مني، أنا لا هكابر ولا هآوح، أنا من الناس اللي بتعتذر لما تحس إن الناس زعلانة منها، حتى لو كانت نيتي يعلم بيها ربنا نيتي خير وكان الهدف هو المصلحة العامة".

 

وأضاف: "أنا أكتر حاجة تضايقني في الدنيا إن واحد صعيدي بس أو واحدة صعيدية بس يزعلوا مني، وأنا من أكتر المؤمنين بالصعيد واحترام الصعيد وعزة نفس الصعيد وكرامة الصعيد وأصل الصعيد، صعيد مصر هما أصل مصر اللي طلعولنا الناس المفكرين والأدباء والناس الشريفة المحترمة".

 

وتابع قائلاً: "والله ما قصدتش الإهانة أبدأ، ودى آخر حاجة تيجي على دماغي، وآخر حاجة في الدنيا إن يبقى حد صعيدي زعلان مني، فأنا بقول لكل صعيدي وصعيدية جزمتكم على راسى من فوق، وأنا ابنكم وأنا ابن ريف مصر، ونسايبي أساسًا من الصعيد، مرات أخويا من الصعيد وبتشرف بيها وبتنسب ليها".