بعد إعتزالها.. ريهام سعيد توجه رسالة لـ” أشرف زكي” و”كاملة أبو زكري”.. فماذا قالت ؟

بعد إعلانها إعتزال العمل الإعلامي وجهت الفنانة ريهام سعيد رسالة الي الدكتور أشرف زكي نقيب المهن التمثيلية والمخرجة كاملة أبو زكري قالت فيها : الحمد لله حققت في التمثيل و كل اللي إشتغلته علم مع الناس و إشتغلت أعمال كلها قيمه بس بعد ما جالي السكر و شويه مشاكل تانيه قررت أعمل اللي بحبه أنا بكل أسف باأعلن إعتزالي الإعلام تماما و هاركز كممثله و هاطلب من الدكتور أشرف زكي إنه يساعدني إني أغير الفكره الموجوده في أذهان المخرجين و المنتجين اني مذيعه. ورساله للإستاذه كامله ابو ذكري و مش مكسوفه نفسي اوي امثل معاكي حتي لو مشهد ده من أحلامي .

كانت ريهام أعلنت فجر اليوم إعتزال العمل الإعلامي ونشرت علي حسابها الشخصي بموقع التواصل الاجتماعي بيانا قالت فيه

فكرت كتير قبل ما أكتب البوست ده . أنا إعتزلت التمثيل سنه ٢٠١٥ لإني حسيت أن صاحب بالين كداب و أن التمثيل مأثر علي مسيره الخير إللي إبتديتها من سنين طويله عشان الوقت و المجهود إللي بعمله . لكن عشقي للتمثيل إللي هو دراستي ومهنتي الأولي قبل الإعلام رجعت أمثل تاني و أنا لسه في نظر المخرجين و المنتجين مذيعه عايزه تمثل.

وأضافت : كنت عارفه إن عشان أخد مكان كممثله لازم أسيب الإعلام زي مع حفظ الإلقاب داليا البحيري و بسمه و دينًا فواد و دينا الشربيني و غيرهن بس مكنتش قادره أسيب رسالتي اللي كانت مهمه أوي وقتها .

وتابعت : أنا حصل لي مشاكل كتير من المهنه دي بتأثير باطل من السوشال ميديا من منافسين و أعداء بسبب المشاهده العاليه جدا و النجاح أنا تعبت و حسه إني قدمت كل اللي ممكن يتقدم و الدوله عامله اللي عليها و مش محتاجين دور المجتمع المدني في مساعده الناس و لكن أنا ليا الشرف إني إشتغلت في المهنه العظيمه دي اللي ليها رساله ساميه و عظيمه و ليا الشرف إني كنت إعلاميه في أصعب وقت مر علي الإعلاميين أيام حكم الإخوان و الحمد لله كان لينا موقف واضح و ماتغيرش و لا دقيقه ..

وواصلت : أنا الحمد لله حققت في التمثيل و كل اللي إشتغلته علم مع الناس و إشتغلت أعمال كلها قيمه بس بعد ما جالي السكر و شويه مشاكل تانيه قررت أعمل اللي بحبه أنا بكل أسف باعلن إعتزالي الإعلام تماما و هاركز كممثله .

خطوه صعبه و فيها ريسك كبير بس علئ الأقل أجري ورا حلمي حتي و أنا في السن ده . جه الوقت إني أستمتع باللي بعمله و بحبه خصوصا لما يكون في عصر و لا في واسطه و لا محسوبيه اللي هايجتهد هايوصل .

ووجهت ريهام رسالة لجمهورها قالت فيها : ماتسيبوش حلمكم مهما فات الوقت. باشكر جمهوري من الأمهات و الشباب و الأطفال اللي دائما بيدعموني و حبه برامجي و إتعلموا منها و باشكر ر بنا علي عشرين سنه إداني الفرصه فيهم إني أقضي حوائج الناس و أقدم كل ما هو مفيد .

وأضافت : فخوره بكل حلقه و بكل حرف قدمته ٢٠ سنه تعب و سهر و تصميم علي تقديم الحقيقه أنا اسفه ليكم بس التمثيل رساله برضه و هو حلمي الاساسي اللي إتاخرت أوي عشان أحققه يارب وفقني و ساعدني