مفاجأة.. دينا فؤاد” قدرية” تقدم عرض لـ”غزل” في السجن ؟
مفاجأة كبيرة شهدتها حلقة اليوم من مسلسل " اللي مالوش كبير" حيث قامت قدرية " دينا فؤاد " بالذهاب إلى السجن ولقاء غزل " ياسمين عبد العزيز" في مواجهة مثيرة وصادمة ، لتستنكر غزل زيارتها قائلة .. اه اللي جابك ! لترد عليها قدرية أنا مش جاية اشمت أو أدعي عليكي علشان خربتي بيتي وخليتي جوزي يسيب ولاده .
وبنظرات غاضبة من غزل قالت " مش حقيقي " ومش هتكلم وأنا في السجن في هذا الموضوع .
وتتصاعد المواجهة بين قدرية وغزل حيث قدمت قدرية عرض يساعد غزل علي الخروج من السجن وإظهار براءتها بشرط أن تطلب من الخديوي الخروج من حياتها ويعود لزوجته وأولاده.
وردت غزل عليها قائلة لو ليا نصيب إني أخرج من السجن هخرج بيكي أو من غيرك ، وعلي العموم وقتها ساقول له يرجع ليكي ولعيالك بس مش هاقدر اقول حاجة مش حاسة ومش هاقدر انسي أن الخديوي وقف جنبي وساعدني .
لتشتعل المواجهة بتهديد قدرية لغزل .. يبقي مش هتخرجي من السجن وهجيبلك جوا السجن اللي يربيك ويعرفك مقامك
وعندما علم الخديوي بزيارة قدرية لغزل في السجن ذهب إلى منزلها وقام بتهديدها في وجود والدها وتوعدها بأنها لو آخر ست في الدنيا مش هارجعلك لترد قدرية بنبرة غاضبة ورحمة أمي مش هرجعلك تاني ليسقط والدها في نهاية المشهد مغشي عليه بعد إهانة الخديوي له
ويشارك فى بطولة مسلسل "اللى مالوش كبير" النجوم ياسمين عبد العزيز وأحمد العوضى ودينا فؤاد، وخالد الصاوى محمود حافظ، دنيا عبد العزيز، أحمد عبد الله محمود، أحمد سعيد عبد الغنى، إيمان السيد، بدرية طلبة، عايدة رياض، وعدد كبير من نجوم الشباب، وتأليف عمرو محمود ياسين وإخراج مصطفى فكرى، ومن إنتاج شركة سينرجى، ومدير تصوير أحمد زيتون.
