شيكو: تريند أفكاري شغل وأكل وعربيات
قال الفنان شيكو، إن تريند أفكاره مكون من الشغل و الأكل و العربيات ، و بحاول انقل من بيتى و بقالى ٣ سنين بشطب ، لأن فى حاجة جوايا مش عاوزانى أنقل من عند أهلى .
وتابع شيكو خلال حلوله ضيفا مع الإعلامي شريف الليثي ببرنامج " حوار أون لاين، أن أكثر ممثل يضحكه الفنان فؤاد المهندس وسمير غانم ، ومن زملائه أحمد مكى و هشام ماجد و محمد سعد و قعدتنا مع بعض بتبقى كلها ضحك ، وتعليقات الجمهور على السوشيال ميديا أصبحت تمثل تحدى لينا كممثلين كوميديا لأنها بتضحك جداً ، و عبقرية لأن أنت ممكن تعمل تعليق على صورة بكلمة واحدة على صورة فى السوشيال ميديا و تنتشر فى مصر كلها و تضحك الناس .
و تابع شيكو، إن وش الغضب بتاعى مفيش ايمودج من اللى موجودة تعبر عنه لأنى طيب جدا لحد ما اتنرفز ، وأنا بكره الغباء فى كل حاجة و ده اللى بينرفزنى ، وأنا بتخانق كتير فى الشارع بسبب غباء فى قيادة السيارات ، يعنى مثلا بكره ظاهرة دلوقتى الناس اللى بتحب تسبق متر فى الإشارة .
وأشار شيكو أنه من المواقف التى لا ينساها فى ٢٠٠٦ كان هشام و فهمى بيعملوا مسلسل صغير مع محمد حفظى و أنا كنت رافض التمثيل و كنت شغال مهندس ، و فاكر القعدة اللى قعدوها معايا يقنعونى إنى أمثل ، كانت لحظة فارقة فى حياتى .
وأكد شيكو أن باسورد أسراره مع أصحابه و هناك جزء فى حياته مش بيحكيه لحد ، و أكتر مكان بحبه لوكيشن التصوير لدرجة انى بروح اللوكيشين و أنا معنديش تصوير .
وأشار شيكو أنه يصور حاليا فيلم ، وسيتم تيصور الجزء الثالث من مسلسل اللعبة والذي حقق نجاح كبير ، و ردود فعل العائلات و إزاى المسلسل أطفالهم بيحبوه هو اللى شجعنا نعمل الجزء الثانى و الثالث.
