الفنان أحمد فتحي: ـحمد السقا ”أيقونة الجدعنة”.. و بيومي فؤاد أقرب أصدقائي

قال النجم أحمد فتحي ساخرا إن علاقته بالسوشيال ميديا " بطيخة شيلين" زي علاقتي باللغة الصينية ما فيش أي علاقة ولا يوجد حد بيدير السوشيال ميديا.

 

وتابع أحمد فتحي خلال حلوله ضيفا مع الإعلامي شريف الليثي ببرنامج " حوار أون لاين" بإذاعة الشرق الأوسط ، إني لو عملت صفحة على السوشيال ميديا ستكون باسم" زحلف " وأن تكون الصورة لزحلفة عشان بحب الراحة والأنتخة".

 

وأضاف أحمد فتحي أن من أقرب أصدقائي بيومي وشيكو وهشام ماجد ومعتز التوني وأحمد الجندي.

 

ووجه رسائل إلى بعض النجوم بأن "أبو الرجولة "هو الفنان أحمد السقا وهو أيقونة الجدعنة ، أما كوميديان زمان هو "بيومي فؤاد " ، وان محمد ثروت نطلق عليه " افورت السنين " ، "وأنا لقب زعنفة السينما " احمد فتحي" ومن أيام الكلية كنت أقابل أي حد أساله بتحب الحصان ومش عارف ليه بقول كده ، ودائما بتكون ليا "لزمة " في حياتي ، وان لقب نمبر وان ده لقب نسبي وأن أفضل نجم في تاريخ السينما هو " أحمد زكي" وأفضل ممثلة " فاتن حمامة" وأفضل مطرب " محمد منير " وأفضل مطربة " فيروز" علي الرغم من أن ملامحي مش بتقول كدة.

 

وأضاف فتحي أنا زملكاوي وعشان كده مش متابع كورة ، وأحسن لاعب " الخطيب ، حازم إمام ، شيكابلا ".

 

وفي رده على سؤال عملت كام بلوك في حياتك أجاب بأن أي حد يتطفل عليا ويدخل بالعافية في حياتي أعمل بلوك فورا.

 

وعن الترندات أجاب مش متابع إلا لو حد قالي ، وأكثر شيء أفكر فيه هو التمثيل وإسعاد الناس، وعن دوره في " سعدون في اللعبة" أجاب أنه أدلي بتصريحاته وفهمت غلط والناس مش متعودة اتكلم بجد وأن أكثر موقف حفظته في حياتي كان أول " أفيه "في فيلم وضحك الناس عليه ، وأن الباص ورد الخاصة بي مع مراتي ، وأنا دائما مش أون لاين وبحب اقعد علي الكنبة وأروح المصيف ، وبكون أوف لاين لما بكون مركز في الشغل.