مشاعر مش هيحس بيها غير كل أب...ماجد المصري عن بكائه في عقد قرآن ابنته

كشف الفنان ماجد المصري، سبب بكائه خلال عقد قران ابنته ماهيتاب، من زوجته الأولى الفنانة منى إش إش،قائلا "مشاعر مش هيحسها غير كل أب، وشيء صعب جدا ومفرح في نفس الوقت، ودي كانت دموع الفرح".

وأضاف قائلا : "فعلا من نعم ربنا سبحانه وتعالى إن البني آدم يعيش فترة شبابه، وبعدين فترة المسؤولية، وبعدها فترة الجواز وبعدها الأبوة، ويحس إن بنته اللي عايشة معاه وفي حضنه وهو الراعي لها بتتاخد منه مرة واحدة".

وأعلن ماجد المصري، أن موعد حفل زفاف ابنته هو غدا الثلاثاء ،واشاد بزوج ابنته قائلا: "مصطفى شاب جميل ومن عيلة وناس محترمة جدا، وأنا بحترمه لأنه شاب مكافح وراجل، وأنا مشكلتي في الحياة اللي ياخد بنتي يبقى راجل، معنديش متطلبات أخرى".