هالة صدقي: «مكنتش حابة اشتغل تاني مع إلهام شاهين وليلى علوي»

استضاف الفنان أمير كرارة في برنامجه"سهرانين" على قناة ON، الفنانتين إلهام شاهين وهالة صدقي في حوار حول بداية مسيرتهما الفنية، وأهم أعمالهما، كما يكشفان أسرارا في حياتهما الشخصية.

وتحدث الثنائي عن عملهما سويا في فيلم "يا دنيا يا غرامي"، وقالت هالة صدقي "اعتذرت في الأول عن الفيلم لأني مكنتش حابة أني أبقى انا وليلى علوي وإلهام شاهين سوا كل شوية، وبعدها جت ممثلة بدالي كانت معترضة على ظهور رجليها من الجلابية، فراحت إلهام وليلى كلمونى وأقنعونى عشان نكون احنا التلاتة سوا".

وعلقت إلهام شاهين قائلة "ده حصل فعلا، وكنا ٣ أصحاب في العمل وبرا العمل، ومكنش عندنا أي مشكلة في التتر مين اللي يتحط اسمه الأول، ومكنتش العقد دي في دماغنا، لأن احنا أكتر جيل اشتغلنا بطولات جماعية".

وأضافت هالة صدقي "خدنا نص أجرنا في الفيلم، عشان نعرف نعمله سوا بأي شكل، وده كان أول فيلم للمخرج مجدى أحمد على، وكان من أحلى الأفلام اللى عملها في مشواره الفني الكبير".

وأعلنت إلهام شاهين عن استعدادها لتقديم الجزء الثاني من الفيلم ويحمل عنوان "قلبي بيحبك يادنيا"، واعترفت بصعوبة تنفيذه بسبب المشكلة الإنتاجية التي قد تواجه العمل الذي يشارك فيه ال٣ نجمات من جديد.