غادة والى زوجة حسن أبو الروس ترد على منتقديه: «بقاله 15 سنة بيمثل»

نشرت غادة والي، زوجة الفنان حسن أبوالروس، مجموعة من الصور التي تتضمن ردودًا على الهجوم، الذي تعرض له حسن أبو الروس خلال ظهوره في فعاليات مهرجان الجونة السينمائي.

 

وكتبت على بعض الصور التى نشرتها عبر حسابها على "إنستجرام ": «حسن بقاله 15 سنة بيمثل وبيعمل ورش وشارك في مهرجانات عالمية زي افينيون في فرنسا»، و«حسن بياخد كل فرصة إنه يسعد اللي حواليه، أهله وصحابه، ودار مسنين وأطفال وملاجئ، أو حتى ناس قابلها مرة في حياته في الشارع، ودي رسالته الحقيقية نشر البهجة».

 

وأضافت: «حسن من صغره معروف بلبسه المختلف ومش خايف يبقى نفسه لدرجة إن صحابه في الشغل القديم عملوا له تورتة على شكل قميص مشجر. في فنانين كتير عالميين ومصريين حسن متأثر بيهم، عندهم ذوق مختلف زي مايكل جاكسون، وبرونو مارس، والأستاذ سمير غانم وفؤاد المهندس وأحمد زكي وشكوكو وغيرهم. ورغم المستوى الكوميدي والمزيكا والديسكو الشعبي اللي بيقدمه، حسن بيشتغل ليل نهار 15 سنة عشان يوصل لحلمه».

 

وأكدت «حسن اشتغل بذكاء لترويج آخر أعماله مع الفنانة دينا الشربيني، زي أي دويتو اتنين فنانين عملوه، وده جزء من الحملة مع شركة الدعاية ،كل اللي قابل حسن وعرفه معرفة شخصية يعرف أد إيه هو جدع وصاحب موقف وما اتأخرش في مساعدة أي حد يلجأ له، وده اللي خلى صحابه يوافقوا يلبسوا أحمر في فرحه. ورغم الحملات المقصودة ضده فشغله لسه تريندينج ومفيش حاجة هتوقف نجاحه لإن عزيمته أكبر بكتير، والناس اللي مش حباه ممكن تلغي متابعته بكل بساطة واحترام".