أحمد أمين يبدأ حلقات ”الفاميليا” في موسم جديد

بدأ الفنان أحمد أمين في بث حلقات موسمه الجديد "الفاميليا"، على قناة مدرستنا، أمس، مؤكدًا أن
الحلقات ستكون بها العديد من الأمور المختلفة عن الموسم السابق، وأن هناك عدد من النجوم المشاركين بالحلقات منهم أكرم حسني، والفنانة مي كساب.
وقال أمين في رسالته: "حابب اعترف لكم إني مكنتش متخيل إن اللي بيحصل ، دلوقتي هايحصل بالجمال ده، زي اليومين دول من سنتين بدأت فكرة برنامج الفاميليا تطلع للنور، هاشتاج #لمة_العيلة اللي طلع صدفة كده من القلب، وكان تحديات قررت اعملها مع نفسي على قد ما أقدرعشان أكون أقرب لعيلتي في
وسط زحمة الحياة والشغل، وقلت أشارككم، ساعتها غسلت المواعين، وكلمت عمتي، وكتبت عن أبويا وأمي، الله يرحمهم جميعاً، وصلتني ساعتها آلاف، الرسايل والكومنتات لناس بدأوا هم كمان تحدي لمة العيلة.. والتحدي كبر، بمشاركة مؤسسات مهمة وقفوا جنبي".
وختم رسالته: "شكراً لفريقي اللي دايماً واقف في ضهري، وشكراً لكل حد اشتغل في الفاميليا، المخرج صديق الكفاح علاء إسماعيل، و الموسم ده إهداء لروح الأب اللي رحل عن عالمنا قريب، الحاج محمود العربي
رحمة الله عليه".