أخر تطورات واقعة هتك عرض طفلة على يد محفظ قرآن بالدقهلية

وقالت ام الطفلة ضحية هتك عرض ابنتها من إمام وخطيب مسجد قرية منشية البدوي، التابعة لمركز طلخا أثناء ترددها على منزله، داخل إحدى الحضانات مع أقرانها لحفظ القرآن الكريم: أنا زوجى متوفى من 4 سنين وبشتغل علشان أصرف على أولادى وكنت حريصة انى أحفظهم القرآن علشان يحميهم وبنتى جنة متفوقة وبتحفظ القرآن بانتظام.

 

وأضافت "كانت ابنتى ترفض تروح تحفظ القرآن سواء عند الشيخ سليمان في البيت أو في الحضانة إللى بيحفظ فيها وكنت أجبرها تروح وكنت فاكرة ان ده بسبب الدلع وانها عايزة تلعب وتترك حفظ القرآن لكن نفسيتها بدأت تتعب وشعرها يقع وأنا مش فاهمة في ايه وروحت بها عند دكتور وقال ان نفسيتها وحشة ومحتاجة اهتمام وطلب عمل تحاليل لها".

 

وقالت: "في يوم بنت عمها قالت لى احنا عايزين نقولك حاجة بس متضربيش بنتك، فخفت وقلت له مش هأضربك طبعا بس قولوا لى ايه اللى حصل فقالت بنت عمها ان الشيخ سليمان واحنا في الحضانة كان عايز يدخل جنة غصب عنها حجرة وكتم نفسها وشدها من ايديها وهى كانت بتعيط ولما أنا شفته سابها وقلت لجنة تقولك قالت لأ ماما هتضربنى والشيخ هيقتلنى".

 

وأضافت الأم: "جريت على الشيخ أسأله ازاى يعمل كده وأنا نفسى يقولى محصلش وان بنتك بتتخيل لكن فوجئت انه بيقولى كل ده علشان بوسة أنا بوستها بس ومعملتش حاجة فاتصدمت وأخدتها وروحت كشفت عليها والدكتور قالى ان غشاء البكارة سليم لكن في آثار اعتداء من الخلف فقلت لأعمامها وعملنا محضر والطب الشرعى أكد أن في استخدام من الخلف أكثر من مرة يعنى الواقعة ثابته عليه والبنت نفسيتها متدمرة".

وطالبت الأم بسرعة احالته لمحكمة الجنايات والقصاص منه بالاعدام.