لو عربيتك اتسرقت المفروض تعمل إيه.. ولا بتخاف تفكر
لازم تفكرك بأهم خطوتين تعملهم لو عربيتك اتسرقت ودا طبعا بعد ما تحرر محضر في القسم.
أولا:???? -- إنك تاخد رقم محضر السرقة اللي عملته وتطلع بيه علي مباحث المرور تعمل حاجه اسمها-- إشارة نشر-- ودي معناها إنك بتنشر على كل أجهزه الحاسب الآلي في مصر إن عربيتك اللي نمرها كذا مسروقة ودي ليها ميزة إن لو العربية وقفت في أي كمين وفحصوا النمر بالجهاز اللي مع ضباط المرور هيتعرف إنها مسروقة وإن اللي مبلغ بالسرقة هو فلان وعنوانه كذا أو لو العربية حد لاقاها وراحت أي قسم على مستوى مصر هيقدروا يوصلولك والمفروض إن ده إجراء تلقائي بيتعمل بعد المحضر بس محدش بيعمله.
اقرأ أيضاً
إحالة ضابط شرطة وأخرين متهمين بسرقة سيارة نقل أموال بمدينة نصر
كشف غموض سرقة أجهزة بث فضائي من سيارة في الإسكندرية
كشف لغز سرقة سيارة في الوايلي
ضبط عصابة سرقة سيارة بالجيزة
????????تاني خطوة بقى إنك تروح النيابة وتطلب من وكيل النيابة يديك جواب للمرور اللي عربيتك تابعة ليه بوقف التعامل علي العربية بأي شكل --وده ميزته-- إن لو إنت ناسي الرخص جوا العربية وقت السرقة ممكن الحرامي يضرب توكيل ويبيعها لمشتري حسن النية ساعتها أنت بتدخل نفسك في دوامة لأنه ممكن يروح ينقل ملكية ومحدش يفحص التوكيل اللي معاه ويطلع رخصة باسمه وساعتها انت دخلت في دوامه.
--لكن -- لو في موجود في ملف العربية جواب بوقف التعامل عليها ساعتها اي حد يروح يعمل رخصة هيتم التحفظ عليها ويقدروا يوصلوك برقم المحضر....
وطبعا لازم تسجل رقم تليفون في المحضر يكون متاح دايما عشان يوصلولك بسهولة
????????????????
