منة فضالي عن ارتدائها المايوه البكيني: هيجي يوم مقدرش أعمل كدة

انتقدت الفنانة منة فضالي قرارات منع المحجبة من نزول حمامات السباحة بالمايوه الشرعي، وأن شرط نزوله يكون بالبكيني.

وقالت منة عبر حسابها الخاص على موقع التواصل الاجتماعي فيس بوك:"مش فاهمة إيه العيب إن واحدة محجبة تنزل بمايوه شرعي إيه اللي يزعل في كده وعلشان إيه ممنوع ..هو لازم يعني العالم كله يلبس بيكيني إن شاء الله إيه الهبل ده .. ربنا يدينا الهدايا ويتوب علينا كلنا والله.

وتساءلت، "ليه القرارات النيلة دي عالم متخلفة وتافهة.. حتقولولي ما أنتي بتلبسي مايوه و بتتصوري والهري ده حقول أنا حرة زي أي حد حر مدام في حالي زي ما كلكم زمان أهليكم كانو بيلبسو كدة واكتر بس للأسف إحنا عندنا دلوقتي عدم احترام .. مش معني كدة إني صح وإني بشجع علي المايوه بس حيجي يوم ومش حعرف ألبس حاجة من اللي قادرة ألبسها دلوقتي كل سن وليه احترامه ولبسه.

وأتمت: "احترموا حرية الناس وافتكروا إن ربنا اللي بيحاسب مش البشر.. وأنا مع الست اللي تلبس مايوه شرعي وضد التخلف بتاع الممنوع".