حسن شاكوش ينصح الشباب: ”خافوا على صحتكم وابعدوا عن المخدرات”

وجه مطرب المهرجانات حسن شاكوش، رسالة تفاؤل للشباب من داخل إحدى الصالات الرياضية، مؤضحا ضرورة الاهتمام بالصحة والرياضة والمحافظة على الجسم.

 

وجاءت تلك الرسالة من خلال فيديو نشره حسن شاكوش، عبر حسابه الشخصي على موقع التواصل الاجتماعي فيسبوك، وقال: "إخواتي وحبايبي أنا كنت طالع دلوقتي عشان نتكلم في حاجة مهمة بقول للشباب إن كل واحد لازم يبقى عنده طموح وهدف في دماغه إنه يحققه ومحدش ييأس".

 

وتابع شاكوش: "تاني حاجة أنا كحسن شاكوش أهو رغم الشغل بتاعي وأكل عيشي إحنا بنقدم حاجة للناس تفرحها وتبسطها والناس بترقص على أغانينا والكلام ده بس ده حاجة والشغل حاجة والحياة الشخصية حاجة تانية".

 

كما أضاف شاكوش: "أنا بنصح كل الشباب إنها لازم تنزل تتمرن وتروح الجيم رغم إن انت برضه الظروف اللي أنت فيها والكلام ده حاول يكون فيه هدف في دماغك إنك تحققه وتعمله".

 

واختتم حديثه: "بنصح كل الشباب اللي بتشرب مخدرات أو أي حد ماشي في طريق مش كويس هو هيضيعه، أنا بنصح كل الناس إنها تنزل تتمرن وخلي يبقى فيه هدف في دماغك إنك كل يوم فيه هدف، لازم بتعمله إنك تنزل تتمرن وتاكل كويس وتخاف على صحتك عشان خاطر بعد كده ربنا يكرمك في حياتك".

 

وكان شاكوش قد قدم أخر أعماله، من خلال أغنية "حبيبتي"، بمشاركة المطربة ياسمين رئيس، وحصدت الاغنية خلال 15 ساعة من طرحها، حققت الأغنية مليون مشاهدة، وذلك في وقت قياسي، إذا إنه لم يمضِ على الطرح يوماً كاملاً بعد.

 

الجدير بالذكر، أن الأغنية تم تأجيل طرحها، تزامنا مع لأوضاع التي حدثت في فلسطين المحتلة، وتحديدا بقطاع غزة من أعمال عنف وقصف للمباني والمنشآت، وصلت إلى جرائم حرب، كما أن طرح الأغنية قد تزامن مع انتقادات كبيرة طالت الفنانة ياسمين رئيس، إذ استقبل متابعوها الكليب معتبرين أنها أساءت إلى نجاحاتها السابقة وآخرها مسلسل "ملوك الجدعنة" الذي عرض في رمضان الماضي والذي حقق نجاحاً واسعاً.