فنانة شهيرة عن محمد رمضان:” أكيد مش هطبل لواحد الناس كلها ضده”
ساندت الفنانة رانيا شاهين الفنان محمد رمضان في أزمته الأخيرة التي يواجهها، بعد إعلانه التحفظ على أمواله، ونشرت "رانيا" عبر حسابها الخاص على موقع الصور انستجرام صورة تجمها برمضان وعلقت عليها وكتبت: "انا ماكنتش عايزة انزل الصورة دي، والي متابعني عارف اني مابنزلش صوري مع زملاء مابحبش الموضوع ده وهو حتي الي كان منزلها عنده، بس نزلتها علشان الناس تعرف اني كنت اعرفه شخصيا وبدافع عنه علشان عارفاه، مش اني بطبل، هطبل لواحد الناس كلها ضده علشان اكره الناس فيا، انا مش بدافع عن رمضان اخويا الصغير علشان الكلام الفارغ الي بيتقال عني اشتهر ايه ده انا كتبة اسمي بالكامل مش اسم الشهرة بتاعي علشان محدش يجبني لا حول ولا قوة الا بالله … انا بدافع عنه علشان اقسم بالله هو مظلوم في موضوع الطيار ده من اوله لاخره وانا عارفة….ولازم اقول شهادة حق علشان ربنا واخلاقي.. وكمان وواجب الصداقة الي كانت بينا من ايام السندريلا اني بما اني اعرفه من زمان فعرفه انه مظلوم في الموضوع ده بالذات…ع فكرة اننا ما بنتكلمش من قبل الكورونا … والي متابعني عارف اني كنت بهاجمه لما بيعمل حاجة مش مظبوطة وده الي خلانا مبقناش اصحاب تاني، حاجة بجد تقرف حتي اراء الناس عايزين تحجروه عليها….وبتسالوا الكورونا جت ليه من عمايلكم في بعض اعوذ بالله".
