حورية فرغلي: وقفت جنب محمد رمضان في عبده موته وقلب الأسد وفي الآخر رفض مقابلتي
قالت النجمة حورية فرغلى، إن محمد رمضان طلب منى أنى أعمل دور بطولة في عبده موته ، و قلب الأسد و أنا عملت الفيلمين ببلاش بدون مقابل ، علشان أساعد محمد رمضان.
و أشارت خلال حلولها ضيفة لبرنامج واحد من الناس مع الإعلامي د. عمرو الليثي علي شاشة الحياة ، إلى أنها كانت تقوم بتصوير مسلسل و بالصدفة كان محمد رمضان بيصور بجوارها بعد ما أتشهر و ذهبت إليه علشان أسلم عليه رفض يقابلها ، و أنا مش زعلانة منه كفاية اللى هو فيه.
وعلي جانب آخر أوضحت حورية إلى أن الفنانة أمينة خليل بنت خالتى لكنها لم تسأل عليا في محنتى و حتى والدتها لم تكلم ماما تتطمن عليا.
و تابعت أن كل الناس اللى كانت بجوارها تخلت عنها و تليفونها أصبح لا يرن ، و تخلى عنها كل أصدقاءها.
و أضافت ان الفنانة رانيا محمود ياسين اقرب صديقة في الوسط الفني و لم تتركني في محنتي ، و كنت بتابع السوشيال ميديا و أنا في أمريكا و حزنت جدا للكلام اللى أتكتب عليا و و أخبار أنى توفيت ، و ناس تقول دى بقت شبه مايكل جاكسون و كنت بتصل برانيا و أقول ليها ردى بدل منى ، و علي الرغم من ذلك هناك فنانيين كتبر كلمونى و دعمونى حتى اللى عمري ما اشتغلت معاهم شريف منير و إيمان الحصرى و أروى جودة ونبيلة عبيد وغيرهم.
