كلام من دهب.. الحاجة زينب مريضة سرطان القولون وكفيفة تفوز بـ100 ألف جنيه

جلست والدمع بعينيها، والمسبحة في يدها ، تذكر الله رغم ابتلائها منذ ١٠ سنوات ، أمام معهد الأورام تنتظر الحاجة زينب المريضة من يساعدها كونها كفيفة ولا تقوى على الرؤية إلا قليلا ، وفى ساعة حظ قبل الفجر بلحظات ، قد تكون هي ليلة القدر بالنسبة لها ، كان طارق علام مقدم برنامج كلام من دهب يسجل إحدى حلقات البرنامج ليشاهدها جالسة في حزن أمام باب المعهد ويسألها ، إيه يا أمي معاكي حد ولا فيه إيه ؟

 

لتقول له معايا ربنا يا ابني ، أحسن من أي حد ، الحاجة زينب ، ليس لدى أولاد ومتجوزتش، كنت أساعد والدي ووالدتي، أعانى من سرطان في القولون من ١٠ سنوات ، كنت لسه خارجة من الطوارئ وواحد جابلى كرسي أستريح عليه ، وأنا من القليوبية أساسا.

 

يسألها طارق علام، "طيب لو كسبتى معانا هتعملى إيه بالفلوس؟ هعمل حاجة لله تكون صدقة جارية ، وأنا شفت رؤية ليلة الجمعة إن ربنا هيكرمنى بحاجة ، طيب هنسألك سؤال البرنامج، بلد اسمها أبيدوس دى عاصمة مصر في أي عصر ولا فين ( في البلينا سوهاج . الفيوم ولا المنيا).

لتجيب السيدة: "واحد إن شاء الله ، لتفوز الحاجة زينب بجائزة مبادرة الرئيس ١٠٠ ألف جنيه، ولسان حالها يقول الحمد لله، ده كرم ربنا والدموع تذرع فرحا.. ووجهت الشكر للرئيس عبد الفتاح السيسى على هذه المبادرة والجائزة.