محمد جودة يفتح النار على خالد الغندور

رد محمد جودة، نجم الفريق الأول لكرة القدم بالنادي الأهلي السابق، على الاعلامي خالد الغندور، لاعب نادي الزمالك السابق.

 

وكان خالد الغندور، نشر على صفحته الشخصية عبر موقع التواصل الإجتماعي "فيس بوك" صورة المذيعة سارة محسن، والمراسل مينا ماهر، وعلق قائلا:"كل الدعم ليكم والرزق بتاع ربنا وأسوأ شيءٍ انك تقطع عيش ناس بيشتغلوا بكل امانة لمجرد انتماءهم وعلي فكرة داخل قناة الزمالك هناك بعض العاملين انتماءهم للاهلي و نحبهم و نحترمهم جميعا و عمرهم ما قصروا في عملهم وتقييمهم الاعلامي مرتبط بشغلهم و ضميرهم المهني وليس انتمائهم و عمر ما الشركة او انا الزملكاوي جدا و كابتن الزمالك التاريخي نفكر نقطع عيش الناس و عشان كده لازم تعرفوا الفرق الشاسع في المشاهدة و برامج القناة و نجاحها بفضل جمهور الزمالك العظيم و بفضل حب الناس لبعض و بفضل الناس المسئولة عن القناة من اكبر واحد لأصغر واحد".

 

وأضاف :"مش محتاجين كل ربع ساعة نعمل تطوير في القناة عشان قناة الزمالك كبيرة لانها تظهر الحقائق و تخاطب العقول و لاتدافع عن باطل ومن هنا شكرا لإعلام المصريين و الشركة المتحدة ولنادي الزمالك و لكل العاملين في القناة وإخراج وإعداد و تحرير وإنتاج و تصوير و إضاءة و صوت ".

 

ورد محمد جودة، على خالد الغندور، حيث قال على صفحته الشخصية عبر موقع التواصل الإجتماعي "فيسبوك" :"أكيد طبعا الرزق بتاع ربنا ومحدش أبدًا يرضى بقطع العيش، بس انا هافهمك فى حالة المذيعة هى غلطت فى اللي بيشجع الأهلى مش بس علشان هى زملكاويه، وبالنسبه للمراسل هى ادارة القناة والنادى الأهلى شافوا ان المراسل ده بيكون موجود فى التمرين والمعسكر وبيعرف كل حاجه عن الفريق وده ماينفعش".

 

وأضاف :"تعالى بقى انت لما قطعتوا عيش وليد صلاح عبد اللطيف ومشيتوه من القناة وذلتوه علشان قال بس الكابتن محمود الخطيب، مطلعتش قولت ليه قطع العيش والذل انه اسوأ شئ ، خلى عندك مبدأ واحد بقى".