وليد فواز يوجه رسالة لنفسه وللناس : أنا مسامح أي حد غلط في حقي أو ظلمني.
تحت عنوان نبدأ منين وجه الفنان وليد فواز رسالة لنفسه وللجمهور نشر وليد نصها علي حسابه الشخصي بموقع تبادل الصور والفيديوهات إنستجرام قال فيها :
من أول الحكاية ولا آخرها....؟ تعالوا نرجع شوية ٢٠سنة كفاح ومعافرة عشان الناس تشوفني...
خلال الفترة دي دقت النجاح والفشل وخلال الرحلة كنت ماشي بهدف واحد وهو الوصول للشهرة والنجومية ومتسلح بسلاح ذو حدين وهو الموهبة .... كنت فاكر ساعتها إني عشان موهوب ليا كامل الحق في الوصول والتعامل مع أي حد من منطلق إني جامد ومفيش زيي... مكنتش واخد بالي إني في عز ما أنا بتقدم بخسر نفسي وناس كانت مؤمنة بيا ...
اقرأ أيضاً
وأضاف : النجاح طعمه أحلي من أي حاجة ,النجاح "شهوة " ....هي نفسها ممكن تخليك تتحول لشخص تاني إنت تخاف تشوفه في المراية "الشهوة" دي خلتني آخد قرارات مش صح ١٠٠٪في حياتي وشغلي... النهاردة أنا مبسوط بحب الناس الكبير بفضل الله لما بدأت أكلم ربنا بجد وأحاول أترجم الإشارات وأفهم الحكمة من أي حاجة مريت بيها بدأت أفهم نفسي من أول وجديد وأعرف إن مفيش حاجة في حياتك بتحصل صدفة,وإن ربنا عايزني أتغير للأفضل,إنسان عايش للناس وبالناس.... قررت أرجع كوليد جديد...
وواصل : مفارقة جميلة جدا....إسمي وليد وبتولد من تاني.... وإشتغلت علي نفسي وأحط إيدي علي الغلط...
لماصلحت علاقتي بربنا فهمت المعني الحقيقي للعلاقة بين العبد وربه.. معني الصبر علي التغيير...لعبت رياضة نفسية وجسدية...ليه اخترت الصورة دي بالذات الراجل إللي في الصورةده هو الوحيد اللي آمن إني آستاهل فرصة تانية ......الغريب إني أعرف أحمد من زمان جدا وعمرنا مشتغلنا مع بعض .. النجاح الكبير اللي حصل بسبب نصرة ربانية كبيرة بعد ماعملت اللي عليا مش بس فنيا لكن الأهم إنسانيا,إزاي تهزم نفسك,إزاي تتغير النصرة دي حصلت بعد مصالحت نفسي الأول...النهاردة وأنا ناجح وعليا الأضواء بفضل الله وتوفيقه... بوعدكم و بوعد نفسي قبلكم إني مش هاأخسر وليد تاني أبدا بإذن الله وإن علاقتي الإنسانية بالبشر أهم مليون مرة من أي نجاح ....الناس هي الكنز الحقيقي...... أنا مسامح أي حد غلط في حقي أو ظلمني....وليد فواز
جدير بالذكر أن وليد يشارك في بطولة مسلسل ملوك الجدعنة مع مصطفي شعبان وعمرو سعد وياسمين رئيس ومن تأليف عبير سليمان وأمين جمال وإخراج أحمد خالد موسي
كما يشارك أيضا في مسلسل لحم غزال بطولة غادة عبد الرازق وعمرو عبد الجليل وأحمد خليل وشريف سلامة وإخراج محمد أسامة
