مخرج بنت السلطان عن ”روجينا” : بطله بتنافس في موسم صعب

هنأ المخرج أحمد شفيق الفنانة روجينا بطلة مسلسله بنت السلطان ونشر علي حسابه الشخصي بموقع تبادل الصور والفيديوهات إنستجرام مجموعة صور تجمعهما من كواليس تصوير المسلسل وعلق عليها قائلا :

كل سنه وإنتي طيبه ياعسليه . كل سنه وإنتي ناجحه كل سنه وإنتي ربنا راضي عنك وبيراضيكي
ياجماعه علي قد فرحتي بالمسلسل ونجاحه الحمد لله بس فرحتي بروجينا اكبر والقريب مننا حيعرف اني صادق جدا
وأضاف : روجينا دخلت المعهد علي إيدي أنا وأيمن سلامه روجينا اللي رحت مع الدكتور اشرف علشان يخطبها بعد ما قالي أنا حتجوز البنت دي روجينا اللي شايفها من زمان تستحق المكانه دي بس دائمآ بنقول كل شيء نصيب وكل حاجه في وقتها روجينا فنانه بتشتغل علي نفسها وبشتغل بإخلاص عمرها ما قالت انا عايزه أبقي بطله الحمدلله شغلها واجتهدها هو اللي فرض انها تكون النهارده بطله بتنافس في موسم صعب في زملاء كتير كويسين وعاملين أعمال حلوه وناجحه برضه .

وتابع :بس الحمد الله في وسط كل ده بتثبت نفسها وقدرتها علي انها تكون وسط الكوكبه الجميله دي أنا لو قعدت أيام اكتب مش حوفيها حقها روجينا اختي وصديقتي بجد انتي شاطره ومجتهده وانا بحبك قوي وبتمنالك كل خير ويارب يكملنا النجاح وتسعدي جمهورك اللي بيحبك وكل سنه وانتي طيبه يااحلي روجينا وأحلي عسليه

جدير بالذكر أن مسلسلبنت السلطان يعرض يوميا علي قناة النهار وهو من تأليف أيمن سلامة وإخراج أحمد شفيق ويشارك في بطولته باسم السمرة وأحمد مجدي وسوسن بدر وندي موسي ومحمد مهران وأيمن عزب ومروة الأزلي