فنانة تتهم محمد رمضان بالتسبب في إصابة إبنها بأماكن حساسة ”التفاصيل كاملة”
حالة من الجدل تعيشها مواقع التواصل الاجتماعي ضد الفنان محمد رمضان، بعدما نشرت الفنانة لبنى ونس صورة لنجلها يوسف وهو مصاب باصابات بالغة في قدمه، وكتبت على حسابها الشخصي على فيس بوك: "وصل الإستهتار بأرواح الناس لدرجة مفزعة، يوسف كان يصور إعلان أمبارح ومفروض فى أكشن، تخيلوا الأكشن قنبلة تحته حقيقية أنفجرت فيه ستر ربنا إنه إتأخر بعد الأكشن لحظة والقنبلة إنفجرت مع أكشن الحمد لله، عنده حروق فظيعه وودانه تعباه من امبارح وصداع شديد وجروح فى أماكن حساسه".
الإعلان كان يتم تصويره مع الفنان محمد رمضان وقالت له لبنى: "الكلمة المزعومة، النجم،والنجمة، فى مهنتنا يا أستاذ محمد رمضان وانت وانا وكلنا عارفين إن مايسمى بالنجم إستغفر الله العظيم بيتعاملوا معاه فى اللوكيشن كأنه إله هو المِحور والكل يدور حوله،هل ممكن تتعرض لما حدث لأبنى فى التصوير معاك، القنبلة اللى زرعها عصام الوريث لأبنى تحت منه ومن غير ما يقوله ولا حتى يلبسوا واقى يقدر يعمل معاك كدة ليه؟، مافيش أغلى من الضنا حط إبنك مكان يوسف هاتقول برضه كله فى حبكم يهون بس أرجع واقولك أبنى ربنا هايجبله حقه من اللى أسمه عصام الوريث دة اللى ميعرفش أبجديات عمله اللى بيستبيح حياه الشباب عشان يحقق الطبيعيه المزعومة الغلط اللى حضرتك بتتكلم عنها حق أبنى إن شاءالله هايرجعله مش هاسيبه".
وتابعت: " ايوة شوفت فيديو محمد رمضان ال مصور فيه ضهره محروق علي انغام اغنية كله في حبك يهون ،ودة ملوش اي معني غير ان سيادته بيشتغل مع شوية هواه".
وأكدت: " اشرف زكي نقيب المهن الموسيقية، لم يتركنا لحظة ويتابع معي الحالة الصحية ليوسف، وتم كتابة تقرير طبي بالحالة ،وتحرر محضر رسمي بالواقعة،في قصة عنوانها الإهمال والا مبالاه والفشل".
