والده طفلة المعادي : المتهم كان عايز يعمل حاجات وحشة مع بنتي

 

قالت السيدة عبير نبيل، والدة طفلة المعادي، التي تعرضت للتحرش على يد أحد الاشخاص داخل أحد العقارات بمنطقة المعادي،"انا عايزة حق بنتي"

وأضافت خلال حوارها في برنامج «يحدث في مصر»، مع الإعلامي شريف عامر، على شاشة «MBC مصر»، في أول ظهور إعلامي لها بعد الواقعة، «أن الفتاة متعلقة بشكل كبير بوالدها، «أنا عندي 6 عيال بيحبوا أبوهم أوي، ومتعلقين بيه، حتى كمان بيحبوه أكتر مني، أبوهم بيروح الشغل في منطقة المعادي، ببعت معاه سيف ومحمد ولادي عشان لو أبوهم حد اتخانق معاه يكملوني، إنما العيلة دي أول مرة تروح معاه الصراحة»».

 

وذكرت أن زوجها «أصم» ويعمل سايس بمنطقة المعادي، كما أن عمله غير منتظم، «زوجي بيشتغل يوم آه وعشرة لا، هو شغال سايس في المعادي، وبنتي في اليوم ده كانت أول مرة تنزل فيه مع أبوها».

وأوضحت والدة الفتاة، أن زوجها يعمل في منطقة المعادي منذ فترة طويلة، «كان بيقف في حته بس مشوه منها، فهو شغال دلوقتي سايس مع جماعة وبرضو عاوزينه يمشي منها بأي طريقة، يشتغل يوم وعشرة لا»، موضحة أن يوم الواقعة كانت تجهز الطعام لأبنائها، «محمد قالي أنا رايح لبابا قولتله طيب يا حبيبي، بدور على العيال الصغيرة التانية ملقيتش البنت الصغيرة لحد ما جالي تليفون من واحد ظابط من قسم المعادي قالي انتي مرات سيد، قولتله اه».

وتابعت: «الظابط قالي عاوزك إنتي وسيد، قولتله فيه حاجة قالي لا ومقاليش على الواقعة، سيد خد بعضه وراح، يارا لاقيتها كانت جاية تجري»، موضحة أن لديها يارا وإيمان في التعليم، بينما باقي أطفالها لا يتعلمون، « مش قادرة على مصاريفهم، والحمل تقيل، أنا حاسة إني في حلم أول مرة أصحى منه، دي عندها 7 سنوات، حد يبص لواحدة عندها 7 سنوات، إزاي؟، هو مش عنده ولاد ولا أحفاد؟».

وأشارت إلى أنها سألت الطفلة عن ما حدث: «قالتلي الراجل قالي تعالى ورايا ودخلنى في حتة كدة وكان عاوز يعملي حاجات وحشة، لاقيت واحدة بتقوله بتعمل إيه، أول ما بص ليها قمت شديت إيدي منه وقعدت أعيط وأجري»، موضحة أن ابنتها لم تروى لها ما حدث ليلة الواقعة، ولم تسرد لها الواقعة إلا عندما سألتها عنها، «البت كويسة الحمد لله وبتتكلم معايا بس بتتكسف تتكلم مع أي حد تاني، شوفته في النيابة بس قالولي ملكيش دعوة بيه».

وقالت إن السيدة التي تصدت للمتحرش المتهم بـ"100 راجل"،مضيفة أن لديها طفلة أخرى ومخطوبة، مبينةً أن خطيبها قال إنه سينتظرها حتى تكمل السن القانونية.